ဒေါ်အောင်ဆန်းစုကြည်အကြောင်းရိုက်ကူးတဲ့ရုပ်ရှင်ကားပြီးစီးလု

မြင့်လှိုင်။ ဒီဇင်ဘာ ၂၀ ရက်၊ ၂၀၁၀

ဒီမိုကရေစီ လှုပ်ရှားမှုရဲ့ ပြယုဂ်၊ မြန်မာ့အမျိုးသားခေါင်းဆောင် ဒေါ်အောင်ဆန်းစုကြည်အကြောင်း ရိုက်ကူးထားတဲ့ The Lady အမည်ရှိ ရုပ်ရှင်ကားဟာ မကြာမီတွင် ရိုက်ကူးပြီးစီးတော့မှာ ဖြစ်ကြောင်း သိရှိရပါတယ်။

ထို ရုပ်ရှင်ကားကို လု ဘေဆင် (Luc Besson) ရိုက်ကူးပြီး ဒေါ်အောင်ဆန်းစုကြည်အဖြစ် မလေးရှားမင်းသမီး မီရှယ်လ် ယို (Michelle Yeoh) က သရုပ်ဆောင်ထားကာ ဒေါ်အောင်ဆန်းစုကြည်ရဲ့ ခင်ပွန်း မိုက်ကယ်လ် အဲရစ်စ်အဖြစ် ဒေးဗစ် သယူးလစ်စ် (David Thewlis) က သရုပ်ဆောင်ထားပါတယ်။ ထို ရုပ်ရှင်ကားဟာ ဗြိတိန်နိုင်ငံ အောက်စ်ဖို့ဒ်က သာမာန် အိမ်ထောင်သည်ဘ၀မှ မြန်မာစစ်အာဏာရှင်တွေ ထိပ်လန့် ကြောက်ရွံ့ရတဲ့ မြန်မာ့နိုင်ငံရေးခေါင်းဆောင်အဖြစ်ကို ရောက်ရှိခဲ့တဲ့ ၁၉၉၁ နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်ရဲ့ဘ၀ကို အခြေခံ ရိုက်ကူးထားတာ ဖြစ်ပါတယ်။

ထို ရုပ်ရှင်ကားကို ၂၀၁၀ အောက်တိုဘာလတွင် ထိုင်းနိုင်ငံမှာ ရိုက်ကူးခဲ့ပြီး အခုအခါ အောက်စ်ဖို့က ရိုက်ကူးမှုများ ပြီးဆုံးခါနီးပြီဖြစ်ကြောင်း လန်ဒန်အခြေစိုက် ဂါဒီယန်းသတင်းစာ အင်တာနက်စာမျက်နှာမှာ ၂၀၁၀ ဒီဇင်ဘာ ၁၉ ရက်နေ့က ရေးသားထားပါတယ်။ ထို့အပြင် ရုပ်ရှင်ဇာတ်ဝင်ခန်းများရဲ့ ဓါတ်ပုံအချို့ကိုလည်း ဂါဒီယန်းသတင်းစာ အင်တာနက်စာမျက်နှာမှာ ဖော်ပြထားပါတယ်။

အခု ရုပ်ရှင်ကားကို ပြင်သစ် ရုပ်ရှင်ကုမ္ပဏီတခုဖြစ်တဲ့ Europacorp နဲ့ ယူကေက လွတ်လပ်တဲ့ ရုပ်ရှင်ကုမ္ပဏီတခုဖြစ်တဲ့ Left Bank Pictures တို့ ပူးပေါင်း ရိုက်ကူးခဲ့တာ ဖြစ်ပါတယ်။ ထို ရုပ်ရှင်ကားကို ထိုင်းနိုင်ငံတွင် ရိုက်ကူးခဲ့ရာ မြန်မာစစ်အစိုးရနဲ့ နီးစပ်တဲ့ ထိုင်းအာဏာပိုင်များရဲ့ နှောက်ယှက် ဟန့်တားမှုကို ရှောင်ရှားတဲ့အနေနဲ့ (Dans la Lumière) အမည်ကို သုံးစွဲ ရိုက်ကူးခဲ့ပြီး အောက်တိုဘာလလယ်တွင် ရိုက်ကူးခဲ့ပါတယ်။ ရုပ်ရှင်တွင် ပါဝင်တဲ့ မြန်မာသရုပ်ဆောင်များ အပါအ၀င် သရုပ်ဆောင်များ၊ ရုပ်ရှင်လုပ်သားများကို လှို့ဝှက် လက်မှတ်ရေးထိုးခဲ့ပြီး ရိုက်ကွင်းသတင်းကိုလည်း တိုင်းမ်မဂ္ဂဇင်းတခုကိုသာ ရယူစေခဲ့ပါတယ်။ ယနေ့မြန်မာအနေနဲ့ ထို ရုပ်ရှင်ကား ရိုက်ကူးနေစဉ်က သတင်းများ ရရှိခဲ့သော်လည်း သက်ဆိုင်သူများကို မေးမြန်းခဲ့ရာ ဒေါ်အောင်ဆန်းစုကြည်အကြောင်း ရုပ်ရှင်ကားဆိုတဲ့ အဖြေ မရခဲ့ဘဲ မြန်မာပြည်နဲ့ သက်ဆိုင်တဲ့၊ မြန်မာ့ဒီမိုကရေစီအရေးနဲ့ ပတ်သက်တဲ့ ရုပ်ရှင်ကားတခုအဖြစ်သာ သိခဲ့ရပါတယ်။

The Lady ရုပ်ရှင်ရိုက်ကူးနေစဉ်အတွင်း ဒေါ်အောင်ဆန်းစုကြည် နေအိမ်အကျယ်ချုပ်က လွတ်မြောက်လာခဲ့တဲ့အတွက် ဒေါ်အောင်ဆန်းစုကြည်အဖြစ် သရုပ်ဆောင်တဲ့ မင်းသမီး မီရှယ်လ် ယို (Michelle Yeoh) ဟာ ရန်ကုန်ကို သွားရောက်ပြီး ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။ သရုပ်ဆောင် မီရှယ်လ် ယိုဟာ မလေးရှားမယ်အဖြစ် ၁၉၈၃ ခုနှစ်က ရွေးချယ်ခံခဲ့ရပြီး ဂျက်ကီချန်း အပါအ၀င် ဟောင်ကောင် ရုပ်ရှင်မင်းသားများနဲ့ တွဲဖက်ကာ ရုပ်ရှင်ရိုက်ကူးခဲ့ပါတယ်။ နောက်ပိုင်း ၁၉၉၇ ခုနှစ်တွင် ရိုက်ကူးတဲ့ ၁၈ ကားမြောက် ဂျိမ်းစ်ဘွန်းရုပ်ရှင်ကား Tomorrow Never Dies တွင် ပါဝင် သရုပ်ဆောင်ခဲ့သလို ၁၉၉၉ ခုနှစ်က ဟောလီဝုဒ်ရုပ်ရှင် Moonlight Express ရဲ့ သရုပ်ဆောင် ဖြစ်ခဲ့ပါတယ်။ ထို့အပြင် ၁၉၉၉ ခုနှစ်က Chrouching Tiger, Hidden Dragon တရုပ်သိုင်း ရုပ်ရှင်တွင် ပါဝင်ခဲ့ရာ ပိုမို ကျော်ကြားခဲ့ပါတယ်။ မီရှယ်လ် ယို ဟာ အရပ် ၅ ပေ ၄ လက်မ ရှိကာ ကိုယ်အလေးချိန် ၁၀၆ ပေါင် ရှိပါတယ်။

မြန်မာရေးရာနဲ့ ပတ်သက်တဲ့ နိုင်ငံတကာ ရုပ်ရှင်ကားများဟာ မရှိသလောက် နည်းပါးပြီး နှစ် ၅၀ အတွင်းမှာ ၁၉၈၈ အရေးအခင်းကို ကျောရိုးထား ရိုက်ကူးထားတဲ့ Beyond Rangoon ရုပ်ရှင်ဇာတ်ကား (၁၉၉၅) တကားသာ ရှိခဲ့ပါတယ်။ အခု ရိုက်ကူးတဲ့ The Lady ရုပ်ရှင်ကားဟာ ငြိမ်းချမ်းရေးနိုဘယ်လ်ဆုရှင် မြန်မာ့ခေါင်းဆောင်တဦးအကြောင်း ရိုက်ကူးတဲ့ ပထမဆုံး နိုင်ငံတကာ ရုပ်ရှင်ကား ဖြစ်ပါတယ်။

(အကိုးအကား

http://www.guardian.co.uk/world/2010/dec/19/aung-san-suu-kyi-the-lady

http://www.guardian.co.uk/world/gallery/2010/dec/19/stills-the-lady

http://www.time.com/time/magazine/article/0,9171,2037417,00.html

http://www.europacorp.com/

http://www.michelleyeoh.info/Movie/thelady.html

http://www.michelleyeoh.info/Bio/bio.html

http://movies.yahoo.com/movie/1800244355/details)

BURMA TODAYမှ အကိုမြင့်လှိုင်ပေးပို့ပါသည်။