ဖဲကြိုးဖြူတို့ဖြင့်ကမ္ဘာကြီးအားငြိမ်းချမ်းစေ(အမျိုးသမီးများအပေါ်အကြမ်းဖက်မှု ပပျောက်ရေးနေ့)အမှတ်တရ

(၁)

တိုက်ဆိုင်မှုလို့ပဲပြောရမလား။

ဒီနိုဝင်ဘာလထဲမှာ အမျိုးသမီးတွေအပေါ် အကြမ်းဖက်မှုတွေနှင့် သက်ဆိုင်တဲ့ကိစ္စ အတော်များများကို ကျမတို့ ကူညီဖြေရှင်းပေးခဲ့ရတယ်။ တကယ်ဆိုရင် ဒီလမှာ နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ ရှိတယ်ဆိုတာ မေ့နေကြတာလား၊ မသိချင်ယောင် ဆောင်နေကြတာလား ဆိုတာကိုတော့ ကျူးလွန်သူကာယကံရှင်တွေသာ အသိ ဆုံးဖြစ်ပါလိမ့်မယ်။

အဲ့ဒီနေ့က ကျမလည်းရုံးမှာ အစည်းဝေးပြီးစ ထမင်းစားမယ့်အချိန် ကျမတို့ လုပ်ဖေါ် ကိုင်ဖက် ညီအမတယောက် ဖုန်းခေါ်လာတယ်။

အမရေ အမျိုးသမီးတယောက် ဒုက္ခရောက်လို့ အကူအညီပေးပါဆိုလို့ ကျမလည်း ဘာ ကေ့စ်ဖြစ်တာလဲ ဘယ်နားမှာလဲမေးမြန်းနေတုန်း သူငယ်ချင်းရဲ့ အပြောကြောင့် အကြောင်းစုံ ကို နောက်မှရှင်းပြမယ် အခုမဲဆောက်ပန်းခြံကို အမြန်လိုက်လာခဲ့ပါဆိုပြီး ခေါ်လိုက်တာ ကြောင့် ကျမ ရုံးကိုအကြောင်းကြားခဲ့ပြီး ခပ်သုပ်သုပ် ထွက်လိုက်သွားတယ်။

ပန်းခြံကိုရောက်တဲ့အချိန် ဆယ်ကျော်သက်အရွယ် ထင်ရတဲ့ ခလေးမလေးတယောက် ကို အ၀တ်အစား ခတ်နွမ်းနွမ်းလေးနဲ့ ကြောက်လန့်နေတဲ့ပုံကလေးနှင့် တွေ့ရတယ်။ ကျမ လည်း လမ်းမကြီးဘေးမှာဆိုတော့ ဘာမှမမေးတော့ပဲ ကျမတို့ဖွင့်လှစ်ထားတဲ့ ဆေ့ဖ်ဟောက်စ် (Safe House) အမျိုးသမီးဂေဟာရှိရာကို ကျမတို့ သူငယ်ချင်းနှစ်ယောက် ခလေးမလေးကို ခေါ် ဆောင်လာခဲ့ကြတယ်။

ပိန်ပိန်ပါးပါး ချိနဲ့နဲ့ လမ်းလျှောက်ဖို့တောင် အနိုင်နိုင်ဖြစ်နေရှာတဲ့ ကောင်မလေးကို ရောက်မဆိုက်ပဲ မေးခွန်းတွေ မမေးချင်ပေမယ့် အလုပ်သဘောအရ သိချင်တဲ့ အချက်အလက် တွေကို မေးခဲ့ရပါတယ်။

(၂)

သူကဒီလိုစပြောပါတယ်။

“သမီးနာမည်ကသဇင်ပါ။ အသက်က (၁၄)နှစ်ရှိပါပြီ၊ သမီးမှာ မိဘတွေမရှိတော့ပါဘူး။ ငယ်စဉ်ကတည်းက အဖေနဲ့အမေက သမီးကို မွေးစားမိဘတွေ လက်ထဲပေးခဲ့တာ။ မွေးစား မိဘတွေကလည်း သမီးကိုသိပ်မချစ်ကြဘူးထင်ပါရဲ့။ အမြဲတမ်းဘဲ သမီးကိုအကြောင်းမရှိအ ကြောင်းရှာ ရိုက်နှက်တယ်၊ သမီးဘယ်လောက်ပဲ ကောင်းအောင်နေနေ အပြစ်ရှာပြီးဆူကြ တယ်။

သမီးကတော့ သူတို့မွေးစားတာ သမီးကိုခိုင်းဖို့တင်မကပဲ နှိပ်စက်ဖို့ပါ ဖြစ်ပုံရတယ်လို့ တောင်တွေးနေမိတဲ့ အထိပါပဲ။ ဒါပေမယ့် မွေးစားအဖွားကတော့ သမီးကိုသူ့မြေးအရင်းလို ချစ် ရှာတယ်၊ မွေးစာအဖေကတော့ သမီးကို မချစ်ဆုံးနဲ့တူပါတယ်။

ဘယ်လောက်ပဲ မောင်လေးတွေနဲ့ ညီမလေးတွေကို ထိန်းကျောင်းပေးပေး သမီးအပြစ် မကင်းတာများတယ်။ တခါတလေသမီးကို ရိုက်နေရင် အဖွားကနင်တို့ဟယ် သူ့ကိုနှိပ်စက်ရင် ငါသေမှနှိပ်စက်ကြပါ ခလေးမှာဘာအပြစ်မှ မရှိပါဘူးလို့ ငိုရင်းသမီးကိုဖက်ပြီး ၀င်လည်းဆွဲ ပြောလည်းပြော လုပ်တတ်ပါတယ်။ ဒါပေမယ့် ဒါကလည်း အဖွားရှိတုန်းလေ။ အဖွားမရှိတော့ သမီး ဘယ်လိုမှ နေလို့မရတော့ဘူး၊ ကျောင်းထားပေးတာကိုတော့ သမီးကျေးဇူးမမေ့ပါဘူး။

ထမင်းဆိုတာလည်းအ၀မစားရပါဘူး။ အမြဲတမ်း ဆူပူကြိမ်းမောင်းတာ ခံရင်းနဲ့ပဲ စားခဲ့ ရတာများပါတယ်။ ဒါတွေကြောင့်ပဲ အဖွားလည်းမရှိတော့တဲ့နောက် သမီးဘယ်လိုမှ နေမပျော် တာနဲ့ အိမ်နီးချင်းအဒေါ်ကြီးရဲ့ အကူအညီနဲ့ အခုလို ထွက်လာခဲ့မိတာပါ။

အစကတော့ တကယ်ပဲ အလုပ်ရမယ် ထင်ခဲ့တာလေ၊ နောက်တော့မှ သမီးတို့ရောင်း စားခံလိုက်ရတာလို့ သိရတယ်၊ သမီးကိုခေါ်သွားတဲ့ အိမ်မှာလည်း သမီးလိုအရွယ် ကောင်မလေးတွေ အများကြီးရှိ တယ်၊ သူတို့က အစကတော့ သမီးကို သနားကြည့်ကြည့်ကြတယ်၊ သမီးလည်း ဘုမသိဘမ သိနဲ့ အမတို့ ဘာလုပ်တာလဲဆိုတော့ ညီမလေး အခုအားမွေးထား ညကျရင် အလုပ်ဆင်းရ တော့မယ်လို့ ပြောတယ်၊ ဘာအလုပ်လဲဆိုတာကိုတော့ သူတို့ကလည်းမပြောသလို သမီးလည်းမမေးမိခဲ့ပါဘူး။ အဲ့လိုမမေးမိတဲ့အတွက် သမီးဘ၀ အရှင်လတ်လတ် ငရဲခန်းပို့ခံရတာပါ ပဲ” ဆရာမရယ်။

(၃)

သမီးလည်း အစက စားသောက်ဆိုင်တခုခုရဲ့ စားပွဲထိုးလားလို့ ထင်ယောင်မှားတော့ ဖြစ်မိသား။ ဒါပေမယ့် အယောက်(၃၀)နီးပါးရှိတဲ့ မိန်းခလေးတွေကို အိမ်တအိမ်မှာ စုပြီးထား တာဆိုတော့ စိတ်ထဲတမျိုးကြီးတော့ခံစားရတယ်၊ မိန်းခလေးအများစုကလည်း ရုပ်ချောချောလေးတွေပဲ။ အသက်နည်းနည်းကြီးတယ်လို့ ထင်တဲ့အမျိုးသမီးတွေတောင် ကြည့်လို့ကောင်း နေတယ်။

ညဖက်ကျတော့ သမီးကို အသက်ကြီးကြီး လူတယောက်နဲ့ အခန်းတခုတည်းမှာ ၀တ် ကောင်းစားလှဝတ်ပြီး ထည့်ပေးလိုက်တယ်။ ပထမဆုံးနေ့ဆိုတော့ ဘာလို့အဲ့လို နေခိုင်းတာ ပါ လိမ့်ဆိုတာ စဉ်းစားလို့မရဘူး၊ အဲ့ဒီလူကြီးက အရက်ခိုးတွေဝေနေတာ၊ မျက်နှာတခုလုံး ရမက် ခိုး တွေထနေတာ မြင်လိုက်တော့မှ ငါ့ဘ၀တော့ ပျက်ပါပြီဆိုတာ သိလိုက်ရတော့တယ်။

သမီးလည်းကြောက်လွန်းလို့ ရှိခိုးတောင်းပန်ပြီး ပြောပေမယ့် မရတော့ပါဘူး။

ညည်းကို ငွေတွေအများကြီးပေးပြီး လာနေရတာ ပြန်လို့မရတော့ဘူးလို့ပြောတယ်။

သမီးလည်း မလုပ်ပါနဲ့ဦးရယ် သမီးကအခုမှ အသက်(၁၄)နှစ်ပဲရှိပါသေးတယ်လို့ ရှိခိုး ငိုယိုပြီး တောင်းပန်ပေမယ့် သမီးဘ၀ပျက်ခဲ့ရတယ်၊ အားကိုရာမယ့်အဖြစ်ရဆုံးည၊ ရင်ထဲမှာ ကြိတ်မှိတ်ငိုကြွေးရဆုံး ညတွေကို ဖြတ်သန်းရင်း လိင်အဖျော်ဖြေခံဘ၀ကို ရောက်မှန်းမသိ ရောက်ခဲ့ရတယ်။

သမီးဘ၀ပျက်ခဲ့ရပြီဆိုတော့ ကျွေးတာစားပေးတာယူရင်း ခိုင်းသမျှ လုပ်ပေးနေရပေ မယ့်၊ တညကို သမီးတို့ ဘယ်လောက်ငွေကြေးရတယ်ဆိုတာ မသိပါဘူး။မုန့်ဖိုးလည်းမပေးဘူး၊ အ၀တ် အစားကောင်းတွေ အသုံးအဆောင်တွေတော့ ၀ယ်ပေးပါတယ်။

မရိုသေစကားပြောရရင်တော့ သမီးကို တချို့လူတွေက ရိုးရိုးဆက်ဆံတာမဟုတ်ပဲ လွန်လွန်ကျူးကျူးကို ဆက်ဆံကြတဲ့အတွက်ကြောင့် သမီးရေရှည်မခံနိုင်တော့ဘူး၊ အခုသမီး ကို နေမကောင်းလို့ နည်းနည်းပါးပါးလျှော့ခိုင်းတယ်၊ ဒီလိုနေသိပ်မကောင်းဖြစ်လာတာကိုကပဲ သမီးရဲ့ ကံလို့ပြောရမလား မသိတော့ဘူး၊ သမီးဘာဆက်လုပ်သင့်သလဲ စဉ်းစားချိန်လေး ရလာလို့လေ။

သမီးဘယ်လိုမှ မနေချင်တော့တာကြောင့် ဒီအိမ်ကနေ ထွက်ပြေးဖို့ ကျိုးစားမိခဲ့တယ်၊ တနေ့အခွင့်ကြုံတုန်း သမီးထွက်ပြေးလိုက်တာ ပန်းခြံလို့ထင်ရတဲ့နေရာရောက်သွားတယ်၊ ပုန်းနေပေမယ့် ကံမကောင်းတော့ သူဌေးရဲ့တပည့်တွေက ပြန်မိသွားပြီး သမီးကိုရိုက်ပါလေရော။

ခလေးမလေးက သူ့ဇာတ်ကြောင်းတွေကို ရင်ထဲကအတိုင်း တခုပြီးတခုပြောပြနေတာပါ၊
ကျမရော ကျမသူငယ်ချင်းရောကတော့ အသက်တောင်မရှူမိတော့သလိုပဲ။

(၄)

သမီးကို အိမ်နီးချင်း အဒေါ်ကြီးက နောက်ထပ်အဖော် တယောက်နဲ့အတူ ထိုင်းနိုင်ငံ မဲဆောက်မြို့ကို အလုပ်သွင်းပေးမယ်ဆိုပြီးခေါ်ဆောင်လာခဲ့တာ၊ မဲဆောက်ကားဂိတ်လို့ ထင်ရတဲ့အနားမှာ သမီးနဲ့အတူ အရွယ်တူ ကောင်မလေးတယောက်ကိုပါ လူကြီးတယောက် လက်ထဲကိုအပ်လိုက်တာ၊ အဲ့ဒီလူကြီးက သမီးတို့ကို ခေါ်လာပေးတဲ့အဒေါ်ကြီးကို သမီးတို့မမြင်ဘူးတဲ့ ငွေတွေအများကြီးပေးလိုက်တာ အဲ့ဒါတွေကို သမီးအမှတ်ရနေသေးတယ်။

သမီးအခုလို ဘ၀ပျက်ရမယ်ဆိုတာ သိခဲ့ရင် မွေးစားအဖေ ဘယ်လောက်ရိုက်ရိုက် ကြိတ်မှိတ်ပြီးခံနေခဲ့မှာပါ။ အခုလိုအဖြစ်ဆိုးနဲ့ ကြုံရမယ်မှန်းသိခဲ့ရင် အိမ်နီးချင်းအဒေါ်ကြီး ဘယ်လောက် အဆွယ်ကောင်းကောင်း လိုက်ခဲ့ဖြစ်မှာမဟုတ်ပါဘူး။

အိမ်နီးချင်း အဒေါ်ကြီးကို အစက သမီးကိုသနားနေတာလို့ပဲ ထင်နေခဲ့တာပေါ့။ နောက်ဆုံးမှ သမီးဘ၀ရေနစ်တာကို ၀ါးကူလို့ထိုးလိုက်သူပါလားဆိုတာ သိလိုက်ရတော့တယ်။ အဲ့လို သိလိုက်ရတဲ့အချိန်မှာတော့ သမီးသိပ်ကိုနောက်ကျသွားပြီ ဆရာမရယ်။

ခလေးမရဲ့ အဖြစ်တွေကို နားထောင်နေရင်း စိတ်ထဲလည်း မကောင်းဖြစ်မိတယ်၊ ဘာကြောင့်များ အရွယ်မရောက်သေးတဲ့ ခလေးတွေကို အလိုဆန္ဒမရှိပဲ အခုလို အလုပ်လုပ်စေရတာလဲ၊ ဘယ်လိုလူတွေကများ သားသမီးချင်းကိုယ်ချင်းမစာ အခုလိုလုပ်ခဲ့ကြတာလဲ၊ ဘာကြောင့် အမျိုးကောင်းသမီးလေးတွေ လွယ်လွယ်ကူကူနှင့် ဘ၀ပျက်ခဲ့ရတာလဲ စတဲ့စတဲ့ မေးခွန်းတွေကိုတော့ ကျမရင်ထဲမှာ ကိုယ့်ဘာသာပဲမေးနေမိတယ်။

တချက်တချက် ကျမရဲ့မေးခွန်းတွေ ဟိုရောက်ဒီရောက်ဖြစ်သွားတာ သူငယ်ချင်းက ရိပ်မိပြီး အမပင်ပန်းနေရင် ကျမဆက်မေးရမလားဆိုတော့ ရပါတယ်ညီမ ဒီနေ့အဖို့ မေးခွန်း တွေ ထပ်မမေးသင့်တော့ဘူး ထင်တယ်လို့ပြောပြီး စကားဖြတ်လိုက်ကြတယ်။ပြီးတော့ ကျမတို့ သူငယ်ချင်းတွေ ဒီခလေးမလေးကို ဆေးခန်းပြဖို့တိုင်ပင်ဖြစ်ကြပါတယ်။

(၅)

နောက်တနေ့ မယ်တော်ဆေးခန်းကို ခလေးမလေးအတွက် ဆေးစစ်ပေးဖို့ ရောက်ခဲ့ရပြန်တယ်။ ဘယ်နှစ်ကြိမ်မှန်းမသိ ရောက်ပြီးရင်းရောက်ဖြစ်နေတာကြောင့် တာဝန်ကျ ဆရာမလေးတွေနှင့်တောင် ရင်းနှီးနေပါပြီ။ ခလေးမလေးအကြောင်းကို တိုရင်းလိုရှင်း ပြောပြလိုက်တယ်။ တာဝန်ကျဆရာ ဆရာမကလည်း ခလေးမလေးကို သွေးစစ်ဖို့ လိုအပ်တဲ့ဆေးဝါး ကုသမှုတွေ လုပ်ပေးပါတော့တယ်။

ဆေးခန်းအဖြေထွက်ဆိုချက်ကို သိလိုက်ရတော့ ကျမတော်တော် စိတ်မကောင်းဖြစ်မိတယ်၊ ခလေးမလေးမှာ (AIDS) ရောဂါ ကူးစက်ခံနေရပြီလေ၊ သူမရဲ့ မိန်းမခိုတ၀ိုက်မှာလည်း အနာတွေပေါက်နေလို့ ဆေးကုသခဲ့ရတယ်။

ကျမလည်းတခါတလေ ရုံးဆင်းချိန် သမီးနေကောင်းလား ဘာစားချင်လဲစသဖြင့် သွားမေးတဲ့ နေ့တွေဆိုရင် ပြာပြာသလဲ အခန်းထဲက အပြေးတပိုင်းထွက်လာတဲ့ မျက်နှာလေးကိုမြင်ရတာ သူမဘ၀အတွက် လုံခြုံတဲ့ အရိပ်အာဝါသတခုကို ရှာတွေ့သွားလို့ စိတ်ချသွားတဲ့ ပုံမျိုးလေး၊ တော်သေးရဲ့လို့ပဲ အောက်မေ့ရတော့မှာပါ။

သမီးနေကောင်းသွားရင် ဘာလုပ်မလဲ မြန်မာပြည်ကို ပြန်ချင်သလားဆိုတော့ သမီး မပြန်ရဲဘူး ဆရာမ၊ ဒီအဖြစ်တွေကို အဖေတို့သိရင်လည်း သမီးကို သတ်ကြလိမ့်မယ်၊ ဒီမှာ သမီး ကျောင်းနေခွင့်ရရင်တော့ နေချင်တယ်လို့ပြောရှာတယ်။

အခုတော့သဇင်လေးကို အေ့စ်ဝေဒနာသည်တွေ နေထိုင်တဲ့ဂေဟာလေးကို ပို့ပေးလိုက်ပါပြီ၊
ကျောင်းနေမယ်ဆိုလည်း သူမရဲ့ဘ၀လေး အေးချမ်းပျော်ရွှင်စွာနဲ့ နေနိုင်ပါလိမ့်မယ်လို့ မျှော်လင့်မိပါတယ်။ ကျမကတော့ သဇင်လေးရဲ့ အနာဂတ်လေး တစုံတရာ လုံခြုံသွားသလို သဇင်လိုပဲ နောက်ထပ် ကျန်နေခဲ့တဲ့ အမျိုးသမီးလေးတွေရဲ့ ဘ၀တွေလည်း လုံခြုံမှုတွေရှိစေဖို့အတွက် တတ်စွမ်းသမျှ ကြိုးစားပြီး ကူညီလုပ်ကိုင်ပေးနေဦးမှာပါ။

(၆)

မနေ့ညက ကျမအိပ်မပျော်ဖြစ်ခဲ့တယ်၊ အိမ်သားတွေကတောင် အလုပ်ပင်ပန်းလို့လား မျက်နှာလည်း မကောင်းဘူးလို့မေးကြပေမယ့် မေးခွန်းတွေကို ကျမပြန်မဖြေမိပဲ နှုတ်ဆိတ်နေမိတယ်။

မနက်ဖြန်ဟာ နိုဝင်ဘာလ (၂၅) ရက်နေ့လေ။

အမျိုးသမီးများအပေါ်အကြမ်းဖက်မှု ပပျောက်ရေးနေ့၊ ဖဲကြိုးဖြူနေ့ မဟုတ်လား။

ဘယ်လိုပဲ ကျမတို့တတ်စွမ်းသမျှ လုပ်ကိုင်ပေးနေကြတယ်ဆိုဆို အမျိုးသမီးလေးတွေရဲ့ ဘ၀တွေ မပျက်စီးသင့်ပဲ စက္ကန့်နှင့်အမျှ ပျက်စီးနေကြရဆဲ ဖြစ်နေရတာတွေ။ တနေ့တခြားတောင် ပိုပိုပြီး ဆိုးသည်ထက်ဆိုးနေကြရရှာတာတွေ တွေးကြည့်နေမိရင်း သက်ပြင်းတွေ အကြိမ်ကြိမ် ချမိနေတော့တယ်၊ ဒီနှစ်တော့ နိုင်ငံတကာအမျိုးသမီးများအပေါ် အကြမ်းဖက်မှုပပျောက်ရေးနေ့မှာ ကျမတို့ စကားဝိုင်းတွေ ပြုလုပ်ကြရမယ်ဆိုရင် အဲ့ဒီစကားဝိုင်းတွေမှာ ကျမတို့ဘယ်လိုမက်ဆေ့ခ်ျတွေ ပေးကြမလဲ။

ဘယ်လိုကူညီဖြေရှင်းမှုတွေလုပ်ပေးရင် အမျိုးကောင်းသားသမီးလေးတွေ ဒီထက်ပိုလို့ အနာဂတ်တွေ လုံခြုံလှပစေနိုင်မလဲ ကျမတို့သေသေချာချာပဲ အဖြေရှာဖွေကြရပါလိမ့်မယ်။ ဒါတွေဟာ ကျမတို့ အမျိုးသမီးထုအတွက်သာမက လူသားထုတရပ်လုံး အတွက်စိန်ခေါ်မှု တရပ်ပဲလို့ ကျမပြောချင်ပါတယ်။ ကျမတို့တွေ ဒီထက်ပိုလို့ အလုပ်တွေ အများကြီးလုပ်ဆောင်ကြရပါလိမ့်မယ်။

ကမ္ဘာကြီးငြိမ်းချမ်းဖို့၊ ကျမတို့ အမျိုးသမီးထုတွေ ငြိမ်းချမ်းဖို့၊ ကမ္ဘာ့လူသားတွေ ငြိမ်းချမ်းဖို့ ကျမတို့တွေ ဒီထက်ပိုလို့ အလုပ်တွေအများကြီး အစွမ်းရှိသမျှ လုပ်ဆောင်ကြရပါ လိမ့်မယ်။

ဖဲကြိုးဖြူလေးတွေ တပ်ဆင်ပြီး တာဝန်သိမှု၊ တာဝန်ယူမှုတွေနှင့် ၀ိုင်းဝန်းကူညီ ဖြေရှင်းကြပါစို့။

အင်ကြင်းမေ။

၂၅-၁၁-၀၉။

ည-၁၁း၄၅မိနစ်။