မြင့်လှိုင် (နယူးယောက်)၊ နိုဝင်ဘာ ၁၈ ရက်
မြန်မာ့ အမျိုးသားခေါင်းဆောင်၊ ကမ္ဘာ့ ဒီမိုကရေစီ လှုပ်ရှားမှု ပြယုဂ် ဒေါ်အောင်ဆန်းစုကြည်သွားရောက် တွေ့ဆုံခဲ့တဲ့ ရန်ကုန်မြို့ ဒဂုံမြို့သစ်မြို့နယ် (တောင်ပိုင်း) အမှတ် ၁၈ (ခ) ရပ်ကွက်၊ ကမ္ဘောဇ ၂ လမ်း၊ အမှတ် ၃၇၆ တွင် နေထိုင်နေတဲ့ အိပ်ခ်ျအိုင်ဗီ အေအိုင်ဒီအက်စ် ဝေဒနာရှင်များအား ဧည့်စာရင်း ထပ်မံ ထုတ်ပေးတော့မှာ မဟုတ်ကြောင်း သက်ဆိုင်ရာ ရပ်ကွက်အာဏာပိုင်က နိုဝင်ဘာ ၁၈ ရက်နေ့ ည ၈ နာရီမှာ လူနာများအား ကူညီပေးနေသူ ဦးစူပါ (ခ) ဦးထင်အောင်ကို ပြောကြားကြောင်း သတင်းရရှိပါတယ်။
ရပ်ကွက်အာဏာပိုင်တွေဟာ လူနာတွေကို ကူညီပေးနေသူ ဦးစူပါ (ခ) ဦးထင်အောင်ကို ဒဂုံမြို့သစ် (တောင်ပိုင်း) မြို့နယ် ရပ်ကွက်အာဏာပိုင်ရုံးကို နိုဝင်ဘာ ၁၈ ရက်နေ့ ည ၈ နာရီတွင် လာရောက်ဖို့ အကြောင်းကြားခဲ့ပါတယ်။ အဲဒီလို အကြောင်းကြားမှုနဲ့ ပတ်သက်ပြီး ဦးထင်အောင်က ရပ်ကွက်အာဏာပိုင်တွေနဲ့ သွားရောက် တွေ့ဆုံစဉ် သက်ဆိုင်ရာက ဝေဒနာရှင်များအား ဧည့်စာရင်း ထုတ်ပေးတော့မှာ မဟုတ်ကြောင်း အသိပေးခဲ့တာ ဖြစ်ပါတယ်။ လက်ရှိ ဧည့်စာရင်းဟာ နိုဝင်ဘာ ၂၄ ရက်ခန့်အထိသာ သက်တမ်းရှိတဲ့အတွက် အဲဒီနောက်ပိုင်းကျရင် လူနာတွေ နေထိုင်နိုင်ခြင်း မရှိတော့ဘူးလို့ ဆိုလိုက်တာနဲ့ အတူတူပါပဲ။ အခုလို အကြောင်းကြားတာနဲ့ ပတ်သက်ပြီး ဝေဒနာရှင်များ၊ ကူညီ လုပ်ဆောင်နေသူများ ဘယ်လို ခံစားရပါသလဲလို့ မေးကြည့်တဲ့အခါ “ကျွန်တော်တို့က လူနာတွေကို ကူညီပေးနေတာလည်း ကြာပြီဆိုတော့ သိတ် မတုန်လှုပ်ပါဘူး။ ဖမ်းလည်း ဖမ်း ပေါ့။ လူမမာတွေကတော့ တော်တော်များများ မသိကြသေးဘူး။ အိပ်တဲ့သူကတော့ အိပ်ကုန်ပြီ။ သိတဲ့သူက သိတယ်။ လူမမာတွေကတော့ ဒေါသထွက်နေတာပေါ့။ ကြောက်လည်း ကြောက်နေကြတာပေါ့၊“ လို့ ပြောပြပါတယ်။ သူက ဆက်ပြီး “ကျွန်တော်တို့ကတော့ မပြောင်းဘူုး ခင်ဗျ။ ဘယ်အခြေရောက်ရောက် နေထိုင်သွားမှာပဲ။“ လို့ ပြောပါတယ်။ သူ့ခံစားချက်နဲ့ ပတ်သက်ပြီး မေးမြန်းတဲ့အခါ “စိတ်ထဲမှာ တော်တော်ခံစားရတာပေါ့။ တရားတယ်လို့ ဘယ်ထင်မလဲ၊ ဒုက္ခရောက်နေတဲ့ လူနာတွေလေ။ ခိုကိုးရာမဲ့လို့ ကူညီကယ်တင်မယ့်နေရာဌာနကို ရောက်နေတယ်။ ဒါကို မောင်းထုတ်မယ်ဆိုရင် ဒီလူနာတွေ အကုန် ဒုက္ခရောက်သွားမှာပေါ့။ စိတ်မကောင်းလည်း ဖြစ်တယ်။“ လို့ ပြောပါတယ်။
ရပ်ကွက်အာဏာပိုင်တွေ ပြောစကားနဲ့ ပတ်သက်ပြီး ဦးထင်အောင်က “သူတို့က အကြောင်းရှာနေတာပဲ။ ပတ်ဝန်းကျင်နဲ့ အဆင်မပြေဘူး ပေါ့။ ရပ်ကွက်ထဲက ဒီအိမ်နဲ့ ပတ်သက်ပြီး ရပ်ကွက်ထဲမှာ မထားချင်တဲ့ပုံစံမျိုး ပြောတယ် ပေါ့။ လူဦးရေ ဒီလောက်များများကို လက်ခံထားတာ တန်စိုးလက်ဆောင် ရလို့လား၊ ပြောစရာဖြစ်နေတယ် ဘာညာပေါ့။ အဲဒီလို ပြောတယ်။ ရပ်ကွက်နဲ့ကတော့ ပြဿနာ မရှိဘူး။ ရပ်ကွက်ထဲကတောင် ထမင်းတွေ ဟင်းတွေ လာ လှူတာမျိုးရှိတယ်။ တခုခု အလှူလုပ်ရင် ကျွန်တော်တို့ကို ဖိတ်ပြီးတာမျိုး၊ အိမ်ကို လာပို့တာမျိုး ရှိတယ်။ ကျွန်တော်တို့ကလည်း အိမ်မှာ တခုခုလုပ်ရင် ပို့တာမျိုး ရှိပါတယ်။ သိတ်ပြီး ထူးထူးခြားခြား ခွဲခွဲခြားခြား ပြဿနာတက်တာ မရှိဘူး ဗျ။“ လို့ ရှင်းပြပါတယ်။
အိပ်ခ်ျအိုင်ဗီ အေအိုင်ဒီအက် ရောဂါရှင်များအား ကူညီလုပ်ဆောင်မှုကို အမျိုးသား ဒီမိုကရေစီ အဖွဲ့ချုပ် ဗဟိုကော်မတီဝင် ဒေါ်ဖြူဖြူသင်းက ဦးဆောင် လုပ်ကိုင်နေပြီး အခုအခါမှာ ဒဂုံမြို့သစ်မြို့နယ် (တောင်ပိုင်း) အမှတ် ၁၈ (ခ) ရပ်ကွက်၊ ကမ္ဘောဇ ၂ လမ်း၊ အမှတ် ၃၇၆ တွင် လူနာများကို ကူညီ စောင့်ရှောက်လျက် ရှိပါတယ်။ အခုလို လူနာများအား ဧည့်စာရင်း ထပ်မံ ရက်တိုးပေးမှာ မဟုတ်ကြောင်း သက်ဆိုင်ရာက အကြောင်းကြားခြင်းဟာ လူနာများကို ဒေါ်အောင်ဆန်းစုကြည် သွားရောက် အားပေးပြီး နောက်တရက်မှာ ဖြစ်ပျက်ခဲ့တာ ဖြစ်ပါတယ်။
(Burma Today http://burmatoday.net မှ ကူးယူ ဖော်ပြပါတယ်။)
Subscribe to:
Post Comments (Atom)
i understood that law , true or not, authority can't deny because Citizen have right to live in everywhere in Myanmar according to that law Guest or owner need to report authority, that's it.
ReplyDelete